ഒരേ ദിവസം ജനിച്ചവർ...
ഇതു ഞാന്‍ എന്റെ ബ്ലോഗില്‍ ഇട്ടിരുന്നതാണ്, പിന്നെ മഷിത്തണ്ടിലും. ഇന്നു വീണ്ടും വായിച്ചപ്പോൾ എല്ലാ മക്കള്‍ക്കും വേണ്ടി കഥപ്പെട്ടിയിൽ ഒന്നുകൂടെ ഇട്ടാലോ എന്നു തോന്നി..നിങ്ങള്‍ കേട്ടതും വായിച്ചതും ഒക്കെ തന്നെയാണല്ലോ ഞാന്‍ പറയുന്ന കഥകളെല്ലാം തന്നെ. ഈ കഥക്കു ഞാന്‍ ആരോടൊ കടപ്പെട്ടിരിക്കുന്നു..... ഓര്‍മ്മ വരുന്നില്ല.
കാക്കകൾക്കും ചിത്രശലഭങ്ങൾക്കും ബന്ധമുണ്ടന്നു ഒരു കുട്ടി കണ്ടു പിടിച്ചു. ഒരേ ദിവസം ജനിച്ചവര്‍.
ആകാശത്തില്‍ മേഘവും മഴവില്ലും തമ്മില്‍ സൌന്ദര്യത്തെ ചൊല്ലി വഴക്കുണ്ടായി.അടി പിടി ആയി. വഴക്കുതീർക്കാൻ ദൈവം ആവുന്നതും ശ്രമിച്ചു. എന്നിട്ടും പൊരിഞ്ഞയടി..സഹികെട്ട ദൈവം, ശപിച്ചു. "ഭൂമിയിലേക്ക് പൊയ്ക്കോളീന്‍.."
ഭൂമിയിലേക്കു പതിക്കുബോള്‍ മേഘം പൊടിഞ്ഞു കാക്കകള്‍ ആയി, മഴവില്ലു പൊടിഞ്ഞു ചിത്രശലഭങ്ങളും.. വ്യത്തിയും, സൌന്ദര്യവും ഭൂമിയ്ക്ക് നല്കിക്കൊണ്ട് അവര്‍ ഇവിടെയിങ്ങനെ പറന്നു നടക്കുന്നു.
നല്ല കഥ അല്ലേ എന്റെ കുഞ്ഞു മക്കളേ.
അപ്പോൾ ഇനി മഴവില്ലിനെക്കുറിച്ചും മേഘത്തെക്കുറിച്ചും, കൂടുതൽ അറിയണ്ടേ? കാക്കയെകുറിച്ച് ഞാൻ മുൻപ് തന്നെ പറഞ്ഞല്ലോ.... ചിത്രശലഭങ്ങളെക്കുറിച്ച് വിശദമായി പിന്നെ പറയാം, കേട്ടോ.... വരൂ...ഇവിടെ ക്ലിക്ക് ചെയ്യൂ...
